А/о әкімдерін сайлау бойынша күнтізбелік жоспар
Күнтізбелік жоспар
Ауылдық округ әкімінің сайлауын өткізудің негізгі кезеңдері
| Р/т № | Негізгі іс-шаралар | Жауапты тұлғалар | Бап | Ескерту |
|---|---|---|---|---|
| 1 | Әкімдердің сайлауын тағайындау | Аудандық сайлау комиссиялары | (113-1 б. 2,3 т) | Өкілеттіктер мерзімінен бұрын тоқтатылған күннен бастап бір ай ішінде (Өкілеттік мерзімі аяқталғанға дейін кемінде қырық күн бұрын) тағайындалады |
| 2 | Сайлау округтерінің тізімін, олардың шекаралары мен аумақтық сайлау комиссиясының орналасқан жерін көрсете отырып, бұқаралық ақпарат құралдарында жариялау | Аудандық сайлау комиссиялары | (22 б. 2 т.) | Сайлау тағайындалғаннан немесе жарияланғаннан кейін он күннен кешіктірмей |
| 3 | Аумақтық сайлау комиссиясының құрамын бұқаралық ақпарат құралдарында жариялау | Аудандық сайлау комиссиялары | (13 б. 4 т.) | Сайлау тағайындалғаннан кейін он күннен кешіктірмей |
| 4 | Учаскелік сайлау комиссияларының құрамын бұқаралық ақпарат құралдарында жариялау | Аудандық сайлау комиссиялары | (17 б. 2 т.) | Сайлау тағайындалғаннан кейін он бес күннен кешіктірмей |
| 5 | Сайлау учаскелерінің шекаралары туралы мәліметтерді бұқаралық ақпарат құралдарында жариялау | Аудан әкімдері | (23 б. 5 т.) | Сайлау тағайындалғаннан кейін он бес күн ішінде |
| 6 | Әкімдікке кандидаттар ұсыну | Белгіленген тәртіппен тіркелген саяси партиялар және өзін-өзі ұсыну тәртібімен азаматтар | (113-3 б. 5 т.) | |
| 7 | Әкімдікке кандидаттардың «Қазақстан Республикасындағы сайлау туралы» Қазақстан Республикасының Конституциялық заңында (бұдан әрі – Сайлау туралы Конституциялық Заң), «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 36-2- бабында және мемлекеттік қызмет саласындағы заңнамада қойылатын талаптарға сәйкестігін анықтау | Аудандық сайлау комиссиялары | (113-2 б.) | Сайлау тағайындалған күннен кейінгі күннен басталады және сайлау өткізілетін күнге дейін кемінде 25 күн бұрын жергілікті уақытпен сағат 18:00 аяқталады |
| 8 | Әкімдікке кандидаттардың сенім білдірген адамдарын тіркеу және оларға тиісті куәліктер беру | Аудандық сайлау комиссиялары | (14 б. 8-1) тт., 31 б.) | Әкімдікке кандидаттың Сайлау туралы Конституциялық заңда көзделген талаптарға сәйкестігі анықталған күннен бастап |
| 9 | Әкімдікке кандидаттарға өзін-өзі ұсыну тәртібімен ұсынылған, қолдап қол жинау үшін қол қою парақтарын беру | Аудандық сайлау комиссиялары | (113-4 б.) | Кандидаттың Конституциялық заңда, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 36-бабында және мемлекеттік қызмет саласындағы заңнамада көзделген талаптарға сәйкестігін тексергеннен кейін үшкүндік мерзімде |
| 10 | Әкімдікке кандидаттарды қолдап жиналған қолдардың дұрыстығын тексеру және тиісті хаттаманы ресімдеу | Паспорттық қызметтің жұмысшыларын тарта отырып аудандық сайлау комиссиялары | (113-4 б. 8 т.) | Тиісті сайлау комиссияларына өзін-өзі ұсыну тәртібімен ұсынылған азаматтардан қол қою парақтарын тапсырғаннан кейін үш күн мерзімде |
| 11 | Жергілікті атқарушы органдардың шотына республикалық бюджет туралы заңда белгіленген және тиісті қаржы жылының 1 қаңтарына қолданыста болатын ең төменгі жалақының бір еселенген мөлшерінде сайлау жарнасын енгізуі | Әкімдікке, саяси партияларға кандидаттар | (113-5 б. 2 т.) | Кандидат тіркелгенге дейін |
| 12 | Тұрғылықты жері бойынша мемлекеттік кіріс органдарына ұсыну мерзімі басталған айдың бірінші күніне активтер мен міндеттемелер туралы декларацияларды ұсыну | Кандидат және оның жұбайы (зайыбы) | (113-5 б. 3 т.) | Кандидат тіркелгенге дейін |
| 13 | Кандидат және оның жұбайы (зайыбы) декларациялаған активтер мен міндеттемелер туралы мәліметтердің дұрыстығын тексеру | Мемлекеттік кірістер органдары | (113-5 б. 3 т.) | Кандидат тіркелген күннен бастап бес күн ішінде |
| 14 | Әкімдікке кандидаттарды тіркеу және оларға тиісті куәліктер беру | Аудандық сайлау комиссиялары | (113-5 б. 14 т.) | Барлық қажетті құжаттарды алғаннан кейін басталады және сайлау өтетін күннен жиырма күн бұрын жергілікті уақыт бойынша сағат 18:00-де аяқталады |
| 15 | Әкімдікке кандидаттарды тіркеу туралы хабарды бұқаралық ақпарат құралдарында жариялау | Аудандық сайлау комиссиялары | (113-5 б. 9 т.) | Кандидаттар тіркелгеннен кейін бесінші күннен кешіктірмей |
| 16 | Үгіттеуге арналған баспа материалдарын орналастыру үшін орындарды белгілеу және оларды жарақтандыру | Жергілікті атқарушы органдар мен аудандық сайлау комиссиялары | (28 б. 6 т.) | Үгіт басталғанға дейін |
| 17 | Сайлау алдындағы үгітті жүргізу | (27 б. 2 т.) | Кандидаттарды тіркеу мерзімі аяқталған сәттен басталады және сайлау болатын күннің алдындағы күнгі жергілікті уақыт бойынша сағат нөлде аяқталады | |
| 18 | Әкімдікке кандидаттарға сайлаушылармен кездесулері үшін үй-жайлар беру, кандидаттар мен олардың сенім білдірген адамдарының бөлінген үй-жайларда сайлаушылармен кездесу кестесін жасау және бұқаралық ақпарат құралдарында жариялау | Жергілікті атқарушы органдар мен аудандық сайлау комиссиялары | (28 б. 4 т.) | Сайлау алдындағы үгітті жүргізу кезеңінде |
| 19 | Әрбір сайлау учаскесі бойынша әкім қол қойған сайлаушылардың тізімдерін сайлау комиссиясына акт бойынша ұсыну | Аудан әкімдері | (24 б. 5 т.) | Дауыс беру басталардан жиырма күн бұрын |
| 20 | Сайлау учаскелері бойынша сайлаушылардың тізімдерін танысу үшін сайлаушыларға ұсыну | Учаскелік сайлау комиссиялары | (26 б. 1 т.) | Дауыс беру күніне он бес күн қалғанда |
| 21 | Сайлаушыларды дауыс беру күні, уақыты және орны туралы хабардар ету | Учаскелік сайлау комиссиялары | (18 б. 5) тт., 38 б. 2 т.) | Дауыс беру өткізілетін күнге дейінгі он күннен кешіктірмей |
| 22 | Дауыс беруге арналған сайлау бюллетеньдерін учаскелік сайлау комиссияларына жеткізу | Аудандық сайлау комиссиялары | (37 б. 3 т.) | Сайлауға кемінде үш күн қалғанда және бір күннен кешіктірмей |
| 23 | Дауыс беруге арналған сайлау учаскелерін ашу және тиісті хаттама жасау | Учаскелік сайлау комиссиялары | (40 б. 1 т.) | Дауыс берудің басталуына бір сағат қалғанда |
| 24 | Дауыс беруді өткізу | Учаскелік сайлау комиссиялары | (38 б. 1 т.) | Сайлау күні, жергілікті уақыт бойынша сағат 07.00-ден 20.00-ге дейін |
| 25 | Дауыстарды санау және сайлау учаскесінде әкім сайлауы бойынша дауыс беру нәтижелері туралы хаттамалар жасау | Учаскелік сайлау комиссиялары | (18 б. 8 т., 43 б.) | Жергілікті уақыт бойынша сағат 20:00-де басталады |
| 26 | Дауыс беру нәтижелері туралы хаттаманың көшiрмесiн сайлау учаскесiнiң үй-жайында жалпыжұрттың танысуы үшiн арнайы белгiленген орынға ілу | Учаскелік сайлау комиссиялары | (43 б. 8 т.) | Хаттамаларға қол қойылғаннан кейін – дереу |
| 27 | Сайлау учаскелерінде дауыс беру нәтижелері туралы хаттамаларды Есіл аудандық сайлау комиссиясына ұсыну | Учаскелік сайлау комиссиялары | (113-8 б. 1 т.) | Хаттамаларға қол қойылғаннан кейін –дереу |
| 28 | Әкім сайлауының қорытындыларын белгілеу | Аудандық сайлау комиссиялары | (113-10 б.) | Сайлаудан кейін үш күн мерзімнен кешіктірмей |
| 29 | Әкімдерді сайлау қорытындылары туралы хабарды бұқаралық ақпарат құралдарында жариялау | Аудандық сайлау комиссиялары | (44 б.) | Сайлау өткізілген күннен бастап төрт күннен кешіктірмей. Сайланған әкімдерден жеті күн мерзім ішінде Конституцияға және Сайлау туралы Конституциялық заңға сәйкес әкім мәртебесімен сыйыспайтын міндеттерді доғаратыны туралы жазбаша өтініш алғаннан кейін. |
| 30 | Сайланған әкімдерді тіркеу, тиісті куәліктер беру | Аудандық сайлау комиссиялары | (45 б., 46 б. 3 т., 113-11 б. 1 т.) | Сайлау өткізілген күннен бастап жеті күндік мерзімде |